2017施政辯論報道即時報道

馬志成建議外判技術性工作 羅立文:外判已到一個極端

2017施政辯論報道即時報道

文:論盡採訪組

時間:2017年12月5日 21:21

新聞局圖片

官委議員馬志成在運輸工務範疇施政辯論中指出,運輸工務範疇明年有多項工作需要進行,在不增加人手的情況下要做到市民滿意,認為可以參考鄰近地區,將技術性強的工作以外判方式來完成,利用民間資源來解決人手不足與業務繁重之間的矛盾,減輕政府工作壓力。運輸工務司司長羅立文坦率地回應稱:「外判我哋有做,你問我,我覺得我哋做(外判)得多過頭添。我覺得已經判到一個極端!乜都判出去,搞到政府部門乜研究都唔做,我覺得已經外判得太多。」

羅立文舉例指,上世紀80年代自己到工務局工作,小型、中型大廈的設計由工務局自己做,大型建築才會外判,但現在全都外判出去,「研究?有啲研究我哋自己入邊做,而家乜研究都畀哂出去。幾時公開諮詢,諮詢文本都係出邊做,做完諮詢做個報告都係出邊做。你問我,我覺得畀得太多添。」

公共項目營運成本「大得驚人」羅:我都有咁嘅擔心

直選議員李靜儀表示,大型公共工程項目除了興建的問題外,管理及營運的成本更「大到得人驚」,諸如氹仔客運碼頭、輕軌等,雖然興建的成本已超支多倍,但將來的營運成本更「大到唔敢估」,「市民擔心,項目的設計及興建上是否真的回應到社會需求,善用公帑?要有機制,將來就項目嘅規模、迫切性及社會效益向社會交代,否則起完後先知營運成本要成億元一年,又係變咗大白象工程。」

羅立文回應時坦言「我哋個範疇係負責起樓、建築,雖然唔直接係我哋嘅範疇,但我都有你嘅擔心。我哋起咁多嘢出嚟,日後營運嗰啲嘢要幾多錢,我都有呢個疑問。但我哋個範疇,接到order就做。但我完全同意,我成為一個市民都有同樣疑慮。超過1億工程,日後買傢俬、電腦等等嘅嘢,你計吓條數。」