修改《勞動關係法》的諮詢文本建議，勞資雙方可以透過書面協議將10天強制假日的其中3天，調到其他公眾假日享受，並維持女性有薪產假為56日，僅建議新增最多連續14日無薪合理缺勤，與國際最低標準14週相差甚遠。時事評論員蘇文欣批評，政府修法向資方傾斜，沒有維護打工仔權益，「立法根本就唔係睇住啲人，而係睇住啲錢，政策不斷都係由錢作為出發點，不禁要問返政府的管治哲學，定位純粹從物質利潤出發，還是從人的可持續發展呢？」
蘇文欣表示，所謂的勞資雙方自願協調根本只是語言偽術。「老闆同你自願傾，咪即係等於壓落嚟！僱員幾時都係弱勢，如果政府制訂的勞工法都唔去撐佢，咁就只有成為弱勢中的弱勢囉！」蘇文欣批評，政府的政策完全體現不到「以人為本」的施政理念。社會經濟越是發達，本應就有更多假期，然而，澳門只有十日的強制假期本身就已經很少，而且很多發達地區都是實行強制五天工作週，但澳門還是大部分打工仔仍然是六天工作週。
他說︰「點解西方政府點都要有政策撐勞工？因為政府需要選票支持，但特區政府是不需要向普羅大眾交代，只要同周圍傾掂就得，但永遠都係商界影響力大，資源多，權力精英永遠都係同商界關係重疊，而這些關係又沒有管制監察，所以容易造成政策傾斜。」
至於女性產假「56+14」方案，與國際標準相差甚遠，甚至連與公務員的90日都不能看齊。蘇文欣批評有關方案是不知所謂，「無薪假洗乜你立法規定？即係等於鼓勵博企參加非強制公積金，你唔強制點去鼓勵呢？」他指出，女性公務員享有90日有薪產假，有關制度一直維持，即意味著這是一個好的制度，較長的有薪產假對家庭、子女、母親都好，「咁點解唔可以分享出嚟呢？」他說，在澳門的大部分婦女生育，都是「一個起，兩個止」，「咩咁大件事啫？點解係要將婦女壓下去呢？睇唔到我哋個社會經濟發展就差個幾日？」
他批評政府「立法根本就唔係睇住啲人，而係睇住啲錢，政策不斷都係由錢作為出發點，不禁要問返政府的管治哲學，定位純粹從物質利潤出發，還是從人的可持續發展呢？」
相關報道︰
強制假「10揀3」調至公眾假日享受
李靜儀批「倒退」
修改勞動關係法
蘇嘉豪︰政府立場傾向資方得益
