即時報道
即時資訊、特別報道、即時評論。

敢冒天下大不韙  唐唐︰我係識得一個Patrick哥!

即時報道

文:論盡採訪組

時間:2016年07月5日 17:17

IMG_2187

【中毒太深】主力「撬鬆」《土地法》的官委議員唐曉晴今日在南灣發展公司控訴大會上為自己抱「不平」,他說近來聽到好多「不堪入耳的攻擊」,但作為政治人物會接受批評。他繼續力撐「批地私有財產論」︰「一個資本主義自由社會,財產係自由的保護神,我哋可以搶人哋啲嘢,仲好似老虎咁惡,以為有50個人就可以代表60萬市民去搶人啲嘢,我唔信!我唔信有60萬市民係鍾意去搶人啲嘢!」

「我要改土地法,啲人話唐曉晴明搶!我搶邊個既嘢?豈有此理!」唐曉晴說:「我係一個好容易就衝動的人,有時會為咗啲不公義的事情流眼淚。研究過好多年土地法,無諗過土地法會咁。」他又說自己為了修改土地法,試過不眠不休地發表文章,又聲稱獲得很多法律界人士及政府官員的讚賞,「以為自己好叻仔,土地法會改。」殊不知政府不但沒有修法,卻越收越多地,在他這個研究了超過20年的法律工作者眼中,「一個法治的社會不可能出現這種事」。

唐曉晴又指,南灣發展有限公司執行董事王祖安試過每日打十七次電話質問他,政府不斷收地,他是否有責任?「我預咗唔做議員,於是提咗個法案,從來都無官委議員敢冒天下之大不韙去做……我邊個都唔驚,你點話我都唔驚!我係識一個人,識得一個Patrick哥(王祖安)!」他稱,自己從來沒有做過黃祖安一單生意,連飯都無食過一次,只是覺得自己「心裡有愧」。