即時報道
即時資訊、特別報道、即時評論。

不知叠石塘山真面目 只緣身在此山中

即時報道

文:論盡採訪組

時間:2016年02月24日 22:22

江門同鄉會副會長、城規會委員麥瑞權

江門同鄉會副會長、城規會委員麥瑞權

【難得糊塗】路環叠石塘山超高樓在民間熱議一星期。但今日城規會上,多位委員似乎都對事件懵然不知,受訪時不是推說唔清楚、未知道,就是按程序辦事、由環保局決定。身兼江門同鄉會副會長的城規會委員麥瑞權一開始已話自己乜都唔知,被記者追到入電梯才肯回應。他擺出一副「天然呆」,稱自己剛從外地回來,未睇過資料,又指「部門係有分工嘅,我覺得有關環保嘅嘢要問環保局。」 時時刻刻將環評掛在口邊,但老麥竟對這巨型樓盤已過環評毫不知情?

有記者提醒環保局已經放行,麥瑞權隨即將個波拋畀衛生局:「最有發言權嘅就係衛生局,佢哋剛剛係山上起咗棟樓(傳染病隔離中心),你哋應該要問吓佢,起嗰時有無做過環評?點解會畀佢起?」

有記者提到傳染病隔離中心不涉及開挖山體,老麥隨即反問:「你有無圖則同環評報告係手?有嘅話,我就花個幾星期睇哂啲報告,到時就會話個答案你聽。如果我乜都唔知就去答,咁咪唔科學。」被問到環保局應否公開環評報告?老麥隨即指住身旁正受訪的環保局副局長黃蔓葒,著記者問她。老麥今次無「飲大」,但花園還是繼續遊下去。

梁竟成:規劃總有「時差」

就連身兼建築置業商會副理事長、城規會副主席的梁竟成似乎也對超高樓只差一步便可動工渾然不知,「正常情況都應交上城規會,但內裡咩情況我都唔知……」 被問到超高樓涉及社會重大爭議,是否應重新交上城規會討論?或在總體規則出台前先凍結發展? 梁竟成就指「時間差」好難避免,「睇唔到資料,我好難表態!」建置商會會長謝思訓則全程笑而不答,稱「趕住開會!多謝多謝!」

IMG_0664

謝思訓 (左) 及梁頌衍 (右)

胡祖杰:信任環保局

土木及結構工程師學會理事長胡祖杰則認為,城市發展開山劈石難免,挖山起高樓是否合理,要視乎發展需要以及法律問題,相信環保局的意見已對保育及發展作出平衡。建築師協會會員大會主席梁頌衍則指,本澳不少住宅、道路是開挖山體得來,叠石塘山並無列入法定保護區,法律上即可開挖。有關項目在城規法生效前取得街線圖,按程序毋須再交上城規會。

街總會長梁慶球就指無交上城規會、對超高樓項目唔清楚。對於是否贊成凍結發展,梁並無正面回應,只稱「總體規劃係邊?司長都答我唔到。」

對於保育團體要求公開環評報告,運輸工務司司長羅立文表示會著工務局研究,但因涉及私人發展項目,未知是否可行。
12788004_10207741585873024_1248316309_n (1)