即時報道
即時資訊、特別報道、即時評論。

加強「愛國愛澳」老麥又有計! 多睇CCTV 年輕人唔洗周街走

即時報道

文:論盡採訪組

時間:2016年02月2日 21:21

DSC_0753

【橋王續集】公天退場,有線玩晒,兩年前開始係澳門睇免費電視名義上有近40個台,但都是蘿蔔炒青菜、蘿蔔炒青菜,有如「雞肋」。今日立法會上,直選議員麥瑞權又發揮「橋王」本色,大推澳門政府應播更多國內頻道。話說早前上京,他和一眾議員收看CCTV3頻道的歌唱節目,人人拍爛手掌。老麥認為收看CCTV節目一舉數得:有助更好地瞭解國情,豐富澳門市民的精神生活,加強愛國愛澳意識,「多啲文娛生活,澳門社會都和諧好多,後生仔同市民都唔洗周街走啦!」

老麥最佳拍檔、議員鄭安庭亦一唱一和,稱大陸一些地區都可以用自己的方式收看香港頻道,為何首先是中國人的澳門人卻不能收看內地節目?

即將接管公營「基本電視頻道公司」的澳廣視執委會主席白文浩回應指,認同現時澳門市民可接收的基本頻道不足夠,不排除未來可以增添更多頻道,主要視乎社會需求及公帑的善用。老麥又得償所願!他最關心的CCTV3頻道今年內亦會增添。但除了CCTV3還可增加多少頻道?仲有咩可以睇?白文浩就話無條件承諾,再跟版權商協商,至於增添頻道後需增加多少費用亦沒有回應。

DSC_0761

至於澳廣視信號何時才能落地大陸,白文浩稱,已於 2014年3月已致函中央有關部門遞交申請,至今仍等待答覆。但自2016年起,全世界都可以透過手機程序及網站收看澳廣視的新聞及其他節目,但基於合同的保密義務,不能夠將涉及的具體費用公佈,但可以透露的是有關費用絕對不少,「因為無免費午餐」,增加服務涉及的費用亦增加5倍。

白文浩又表示,基本電視頻道公司持續開展架空電纜地下化的工程,希望用戶接收到更佳信號,截至去年 12月,3.3萬多戶已完工,覆蓋率為 15.3%,預計今年可達33%, 2017年年底可覆蓋全澳。