即時報道
即時資訊、特別報道、即時評論。

市民︰既得利益者不要用海一居綁架政府

即時報道

文:論盡採訪組

時間:2015年12月16日 14:14

12356220_10153338073157843_891722320_o

「今日既得利益者受損就話要修法?澳門啲議員係咪咁兒戲?」今日十多位市民和海一居業主打上「澳門講場」,對於是否修法正反雙方壁壘分明。表明反對修改《土地法》的陳先生認為事件本屬商業糾紛,「唔應拖政府落水」,支持政府依法收地。他又指,海一居土地今年底到期,但發展商仍對外聲稱2018年交樓,認為司法機關要介入調查是否涉及商業欺詐。

市民朱小姐表示,自己亦有朋友買了海一居樓花,雖然同情但作為澳門市民,她強烈反對修法,「海一居問題跟土地法完全扯不上關係,唔好用海一居綁架政府去修法!海一居係商業買賣,唔係公共利益,修法應為重大公共利益去修,而為非一小撮人的商業利益去修。修咗先係損害公共利益,發展商保利達真的一點責任都沒有嗎?賣樓花收錢收得咁happy!」她認為,政府也應披露更多資料,搞清海一居的責任誰屬,「唔好唔清唔楚就俾人修法過關」。

反對修法  關翠杏被圍攻

亦有不少報稱是海一居樓花買家或其親朋戚友致電大吐苦水,期望政府網開一面,認為「法律不外乎人情」、政府應該「知錯能改」修改《土地法》。 一直有協助小業主的工聯議員關翠杏表明反對修法不料被多人圍攻、反咬一口。

「發現有錯就要改,呢個唔係成年人應該要做既嘢咩?明知錯咗都唔改,同細路哥有咩分別?」多位聽眾質疑政府已多次表明「公共利益」重批予發展商行唔通,認為關不應再堅持,只有修法才能「完善法律、堵塞漏洞」。

「如果大家覺得唔係公眾利益,唔緊要,我可以收番!如果唔承認公共利益,咁有乜理由要求政府特事特辦?政府憑咩在公開招標附帶保障條款?」關翠杏坦言尊重業主的決定,但提醒如果將海一居和修法綑綁只會令爭議更大,拖慢解決進度。雖然政府現時不認同海一居事件涉及公共利益,但應繼續爭取,海一居不僅涉及三千多名買家,銀行亦向發展商借貸幾十億,如果今次事件得不到妥善解決,將會對買家及其家庭,還有金融體系造成巨大衝擊,各方應在現有法律下推動政府尋求解決方案。

混淆視聽!新舊法都要收地    

她不點名批評有人將問題賴落新《土地法》,既不負責任、也沒有講出真相,從來新舊土地也有條文規定25年夠期就要收番。關翠杏重申不會主動修法,但也非完全反對,前提是要先清楚修法內容、是否有充分理據。「就算要修法,攞唔出修咩條文,或者修到咩限度,你叫我哋點樣現在閉上眼睛講支持呢?我做唔到!但攞出黎,有條路行得通,又唔影響收回其他閒置地的,我不反對。」