馮志強:一定要開番道門!所有法律都有後門走!

即時報道

文:論盡採訪組

時間:2015年12月13日 14:14

12325119_10207212801253739_436547910_n

【夠坦白!】「以前行政長官有豁免權,2013年修法刪左呢個權,這法律係『有錯漏』!好多律師都認為不合理!新法管埋舊的批給合同,這就是問題。以前一直可以續期,但現在一刀切!」已有15名議員表態支持修改《土地法》,官委議員馮志強表示短期內會有議員提案,並對法案通過相當有信心, 「一定要開番個門啦!所有法律都有後門走!」當被問到「後門」係咩意思?馮大砲又即刻收口,話唔再講落去。

7位官委議員都拍檯要求政府修法,成為特區成立至今一道奇景。但政府至今未有反應,重申不會主動提案 ,被問到官委這次是否要跟政府「割蓆」?馮志強稱: 「點會割蓆?你睇下都不知幾好氣氛!議會應該跟政府是同一堡壘!如果割蓆,就會變成香港咁啦。」 他不認為政府對修法「企硬」,「梗係要依法辦事,難道政府可以凌駕法律?咁唔可以公開講架嘛。」

訂閱每月紙本

雖然官委聲稱已有「修法共識」,但大部分市民都反對,馮志強即時反問:「幾千個家庭要點解決?人民的利益就係公共利益!邊個賠番佢地既損失?」他重申「有漏洞就要修法」,否則不會再有人來澳門投資。