即時報道
即時資訊、特別報道、即時評論。

敢於幫人執手尾 鄭志強讚羅司:有胸襟!我撐你!

即時報道

文:論盡採訪組

時間:2015年12月10日 22:22

DSC_0363

  
【司長,辛苦了!】為了避免再有海一居「慘劇」發生,連日來都有議員為買左樓花既業主、貸左款既銀行「呼冤」,要求政府修改土地法。立法會現場刀光劍影、殺個天昏地暗之際,本身也是來自銀行界的間選議員鄭志強突然來個反高潮,變身「白武士」力撐羅立文:「司長!我真係要打一打氣,撐一撐你!」
 
鄭志強有感而發,指這兩天辯論都圍繞新《土地法》,很多議員在法律觀點上各有表述,「唔係專家都變咗專家,唔係學者都變咗學者」,高手過招,點到即止但卻餘音梟梟。他亦提醒:「唔好忘記,法律係我哋自己過的,過咗之後,我哋就有責任通過法律來監督政府,依法行政,依法施政,是不能違反的原則,內地現在亦提出要『依法治國』,我地都要依法治澳。」
 
工務司底下處處火頭,鄭志強盛讚羅立文上任後一直全力以赴拆解澳門各種奇難雜症,了解問題根源、維護屬下3千多個同事,面對難題不停步,敢於接受新挑戰,特別係敢於幫人「執手尾」更是難能可貴:「執手尾確係唔容易,要有好大既胸襟、好大既勇氣,任勞任怨。好多人遇到咁大挑戰可能會停下來,你無停下來,你最多講唔知點辦,我只能做到咁多。你想做事,但有些你不知怎辦。面對一些謾罵、污衊,話你講廢話,話你好多問題,話你拖拉都一笑置之,繼續為市民用心用力辦事、敢於承擔!我送你和你的團體四個字『難能可貴』!」
 
「我覺得你好清醒,正如你講澳門現在眾多問題是源於社會急速發展,很準確!如果我地唔係咁急、有咁多錢,唔會有咁多問題。」
 
鄭志強又引述馮大砲所說的「得民心者得天下」用來勉勵羅立文︰「政府依法行政才能得民心,管治權威只有靠依法才能夠建立。」他認為,羅立文和他的團隊付出的努力值得肯定,全澳門市民有目共睹,「市民眼光是雪亮的!司長,我服咗你,我撐你,撐你既團隊!」最後鄭又特別用葡文向羅立文致意:「Muito bem!Muito obrigado!」
 
12336169_10207187250854995_166013471_n
連日被炮轟的羅立文受寵若驚,直言非常感動,又不忘幽默一番:「我用葡文都唔識點答番你!」他又多次提到屬下3400多個員工犧牲了很多私人時間努力工作,「做野係靠人做,有機器有電腦,無人都係做唔到!不是3400人是3400多個家庭都有付出。」面對議員猛攻土地法,羅立文保持一貫「柔軟的身段」,沒有硬撼也沒有作出無法實現的承諾,但重申海一居與修改土地法是兩回事,「我唔係法律專家,有乜野立法會認為要做的,我都會盡力做。」
 
最後兩日的運輸工務司辯論可說是「好戲連場」,議題固然火爆,更重要是上至司長下至局長回答問題都干脆利落,不會浪費時間,係一就一、二就二,未有遊花園、大玩官場語言偽術、「研究再研究」,特別是交局、工務局局長表現,跟平日記者扑咪判若兩人,強將手下無弱兵可見一斑。