即時報道
即時資訊、特別報道、即時評論。

不滿議員問題太多又重覆 黃少澤火大︰施政辯論並非施政提問

即時報道

文:論盡採訪組

時間:2015年12月1日 17:17

DSC_0652

施政辯論淪為答問大會,早前立法會主席賀一誠已按捺不住,提醒議員施政辯論並非口頭質詢或答問大會,希望議員所提問題不要太多,否則無法達到辯論互動效果。然而,一眾議員依然故我,今日議員高天賜指保安司長黃少澤不回答問題,認為黃少澤不尊重議員。「我同梁榮仔所提的問題,司長全部都一邊耳入,一邊耳出,無理會,又唔答,我唔知點同你溝通!」

黃少澤回應時則反駁,梁榮仔昨日「九句說話有九個問題」,而且大部分問題在4月份時已經回答過,但現在卻又舊話重提。「如果按照咁樣既模式,就唔叫施政辯論,叫施政提問,日日都攞出來問,問完,官員又唔夠時間答。我地係施政辯論唔係施政提問,好嗎?」

DSC_0646

其後,黃少澤回應賭場小偷問題時表示,賭場的保安由賭場的保安人員負責,一旦有罪案發生會通知司警跟進,「賭場內的小偷的犯罪大部分都係準公罪,要當事人告訴才能開展調查工作,你(高天賜)讀法律應該好清楚。要成個賭場佈滿司警,加多五千人都唔夠,分析問題要從客觀角度出發。 」

另外,間選議員高開賢今日就積極向黃少澤建言,例如關閘口岸壓力大,建議將工人球場搬去狗場,同時撤走特警總,重新規劃關閘口岸和周邊交通配套;另外,警隊請人難,他又建議設立輔警,減輕警隊人員工作,釋放更多警力等等,但這些建議似乎都得不到黃少澤接納。高開賢其後發言時說︰「公仔生鬚,都係人做架啫,最緊要是否有心去做,事在人為而已。睇黎我既建議都係廢話黎既,無用,我收返!」黃少澤則安撫他︰「請高議員唔好講自己係廢話,我都唔當係廢話,點解要講自己係廢話呢?」