老麥出題考法律顧問:土地法應該點鬆綁?

即時報道

文:論盡採訪組

時間:2015年11月23日 20:20

2015-10-26_09-07-47
 
【曲線要講明】新《土地法》落閘後,所有未完成發展、未轉確定性批給的批租地依法都必須收回,海一居如是,南灣湖CD區、路環蝴碟谷26幅土地如是,搞到發展商牙痛咁聲。身兼建造商會理事長的直選議員麥瑞權今日在施政辯論,原本講講下關注培養法律人才,點知話鋒一轉又扯到《土地法》頭上,指政府應出題目考考啲法律顧問,例如《土地法》設過渡性條款處理「立法後衍生的各種問題」:唔係批唔批既問題,而係應不應該,應該的話就要研究由幾耐開始計算…….
 
 
咁主張修法為閒置地鬆綁既澳大法學院副院長、官委議員唐曉晴,係老麥眼中肯定係一等一既法律人才!