即時報道
即時資訊、特別報道、即時評論。

鏡湖內港重建項目料淨賺2億 馮志強︰慈善會何來不仁不義?

即時報道

文:論盡採訪組

時間:2015年09月25日 19:19

 

_DSC0049

鏡湖慈善會計劃將沙梨頭海邊街一地段重建成高層住宅,近日引來坊間熱議。鏡湖慈善會理事長馮志強今日受訪時喊冤,說已經提前六個月通知租戶,不存在迫遷之說。「有合約精神,要依法辦事,唔可以話到期唔肯走,你有困難可以提出黎,唔係賴死唔走。」

馮志強重申,重建計劃一切依法進行「合情合理」。有關物業是以前善長送交予慈善會代為管理,現時物業已有 70、80年樓齡成為「危樓」,拆建重新發展好應該。他強調重建後不會是豪宅,「係一至三房廳單位,無地庫,因為唔化算,附近太多危樓,好似隔離咁搞就大件事!」重建地段就在善豐花園斜對面。

至於重建之後,會否仍然用於慈善事業?他只稱︰「要根據環境改變,依家每平方呎1,500蚊建築費,跟返以前2、300蚊月租有乜可能?要有好既居所又唔想付出,邊有呢回事?」他預計重建項目純利約2億。

他又不滿今次重建受到非議,「我哋要發展,點解講到鏡湖(慈善會)不仁不義咁?」又指有報章大字標題「抹黑」慈善會,稍後將刊登聲明。「我哋慈湖會140年來為澳門做咗好多公益事業,點容許被人咁樣抹黑?」