立法會今日啟動緊急程序表決增加香煙消費稅法案，官委議員馮志強卻堅決反對，認為這是歧視吸煙人士，損害個人的自由權利。最後在表決緊急程序議決案時，投下反對票。
他說︰「中國人講，煙酒不分家，點解有啲十萬蚊一支紅酒又免稅，富有人家可以免稅；草根階層食支煙仔咁少件事，有啲食幾蚊一包煙，但要加30蚊稅，你認為合理咩？點解對飲酒人士咁寬容，對吸煙人士咁歧視？！真係唔明啊，政府係咪財政緊缺啊？！」
馮志強認為，政府不應歧視吸煙人士，「個人自願原則不容破壞，不是當局者認為點做就點做，係損失我哋既權利自由，每個人都有權選擇自己的生活方式，不是因為決策者認為不好，就強制於百姓！」
他又指，加大吸煙稅不僅沒有減少吸煙人士的數量，反而增加，「你唔食煙就唔知食煙既好處……」即時惹得哄堂大笑，「第一可以減壓……」，立法會主席賀一誠隨即叫停，著其在一般性表決時，再」發表高論」。
