譚超人:將澳門打造成另一個康城!

即時報道

文:R1

時間:2015年04月29日 22:22

19207_834295956635577_3557289412379009817_n

【澳門影城一定要得!】呢排文化產業基金正值多事之秋,領導涉徇私被撤職,算是快刀斬亂麻。但逾億資助究竟花落誰家?暫時未有公佈(話要等簽左約先) ,坊間議論紛紛。不過,小小枝節絲毫不損社文司譚俊榮推進澳門文創的信心,今日他與記者大談澳門「進軍影業」的大計,矢志將澳門打造成好似康城、威尼斯咁既國際影城,專做國際影展。

雖然法國康城影展係殿堂級數,但譚超人就話澳門千祈唔好妄自菲薄:「康城條件無我地咁好!」雖然唔容易,但佢話至少要起步先,否則唔會有任何發展。早前譚司係立法會興奮宣佈,太陽娛樂將落戶澳門,視澳門為根據地。這些大型、有實力、大把資金的集團,只要政府用政策支持佢,相信事半功倍。