即時報道
即時資訊、特別報道、即時評論。

鄭安庭:係江門再造一個澳門?

即時報道

文:論盡採訪組

時間:2015年03月30日 22:22

 

 

 

 

 

 

 

 

 

 

chengggggg

【第一現場】早前中聯辦主任李剛建議澳門政府要積極走出去,「到內地投資再建一個澳門」。直選議員鄭安庭今日係施政辯論都好關心區域合作。話說,佢由舊年國家主席習近平重要講話,要深起廣東與泛珠合作開始講起,之後他又提到身兼江門同鄉會創會會長既全國政協蕭德雄及崔世昌係兩會都有提案,話希望研究澳門同粵西江門地區的合作:「要進一步深化與廣東的合作,必然是向粵西方向延伸,例如:江門、台山、陽江、茂名和湛江等…….」

從台山講到南沙,從翠亨講到茂名反轉再反轉,最後鄭安庭終於入正題,問新財爺點樣幫澳門業界到內地自貿區尋找商機,「會否考慮更積極參與江門大廣海灣經濟區的建設?推動兩地的優勢互補,甚至在江門的大廣海灣再造一個澳門?」

「行政長官曾經講過,澳門區域合作過程中,除左經濟產業合作外,仲要係區域合作惠及民生,請問司長如何係區域合作尤其係與廣東省合作中惠及民生?」

身兼江門同鄉會副會長的鄭安庭果然關心澳門,亦關心鄉親父老,心繫家鄉,認真唔話得!之但係民生政策好難問財爺喎~ 都係留番問譚超人對口好多,舊年江門同鄉會先斥資超過四十億元人民幣,同哥爾夫球會合作,係江門濱江新區靚地皇起緊間銀葵醫院,集養老院和高級醫院於一身,如果澳門搞得掂跨境養老和醫療問題,咁就水到渠成,大把合作空間啦。經濟即民生,民生即經濟,咁樣搞區域合作先得架嘛~