財爺突襲花市 做官唔得買鰐魚?

即時報道

文:論盡採訪組

時間:2015年02月17日 2:02

pickerimage (1)

 

【第一現場】新人事新作風,最近官場不少新動作,「譚超人」開完網站又開微信,上周夜探外展社工隊。今晚小記係塔石年宵花市發現新財爺梁維特,身邊只帶幾個助手「微服出巡」,不少市民一眼認出,無論影相或寒喧一番,梁司永無托手踭,有老街坊大讚梁司一表人才又親民,難得呢排為賭業頭痕的梁司笑到見牙唔見眼。三句不離老本行,梁維特又同多個年青檔主講起生意經,了解今年市況,有靚女檔主建議政府不但要鼓勵創業,更要著重創意,例如年宵花市也可辦個創意攤位比賽云云,妹妹年紀輕輕,難得諗頭一大堆,梁司馬上掏出小筆記本一一抄低,又笑言:「呢啲意見點解平時青年諮詢會聽唔到?」

行花市,邊行邊聽意見邊掃貨,老闆亦落足嘴頭推銷,但有檔主一抱起卡通大鰐魚抱枕,梁司少有的即時耍手兼擰頭,不停話:「唔要鰐魚,唔要鰐魚,政府唔做得鰐魚……」場面相當搞笑。

訂閱每月紙本