公佈閒置地極速反口  市民知情權?李燦烽:這不是我最關心

即時報道

文:論盡採訪組

時間:2015年02月16日 17:17

李燦烽

新任工務局長李燦烽一月初拍心口保證會公佈48幅閒置地資料,信誓旦旦,言猶在耳,沒想到一個月後又「失憶」。日前回覆議員吳國昌質詢時推說恐防「影響承批人商譽或因此引起司法訴訟」,不會公開閒置地清單,此話一出引起坊間強烈質疑:究竟發展商商譽緊要,還是政府聲譽緊要?市民知情權緊要?

面對記者追問,李燦烽回應一直支吾以對、不置可否,只是像人肉錄音機般不斷重覆「按原則辦事」「依法處理」「趕著開會、唔該借借」,重申行完程序、確定收番先會公佈,又否認「縮沙」是因為發展商俾壓力。李燦烽「太極」一向高章,但有時又確係幾真心,當問到不公開資料政府只為公司「商譽」著想,又點顧及市民知情權?李衝口而出:「呢個唔係我最關心…….」 未知是否怕記者再追問,李燦烽身為工務局長未等城規會開完已先行告退。

【李燦烽真心話】(3分鐘原聲重溫)
http://goo.gl/vFospE

記者:閒置地拖左好耐,無理由到而家一幅都未有資料?
李燦烽:澳門的法律程序都係比較長、比較複雜,所以……俾啲時間啦
記:點解唔可以俾公眾知道?你淨係顧住「商譽」,又點顧及市民知情權?
李: 呢個唔係我最關心……. ( O嘴!)
記:咁你最關心乜野?
李:我話我都係按法律法規行事…….
記:邊條法律話唔可以公開?
李:呢個…….而家…….係咪要花好多時間去解釋法律…….
記:其實市民想知道,你之前應承左公眾會公開?咁樣算唔算出爾反爾?
李:唔好意思,實在係趕時間開會
記:你係咪食言?
李:唔係,一定唔會食言……
記:但真係同之前講既唔一樣,叫市民點樣信你?
李:呢個質詢回答得很清楚
記:你講到話會影響聲譽,係咪發展商俾壓力你?
李:唔係唔係……
記:會唔會俾市民覺得你淨係顧住發展商唔理市民?
李:一定係市民利益、全澳利益、整體利益
記:但又點解不公佈?如果市民都想知道,不講清楚怕唔怕俾人覺得你失信於民?你剛上任就發生這事…..
李:我係質詢已經講得很清楚,要按照法律法規行事 (不停loop )
記:邊條法例話唔可以公佈?09年政府已確定48幅閒置地係有問題……

 

 

延伸閱讀:
公佈豁免街影清單 拍心口會找數
「放生」閒置地?李燦烽:一定依法辦事
http://goo.gl/g8VguQ

新工務司長難逃的四大死任務
http://goo.gl/lEB755