唔愛你就唔打你! (囧) 家暴法馮強又射歪

即時報道

文:論盡採訪組

時間:2015年01月13日 21:21

經常語出驚人的官委立法議員馮志強今日在立法會討論《家暴法》時又再開火,聲言對政府提倡「家暴零容忍」的態度不能接受,「中國有句古語,叫愛之深責之切,如果我唔愛你就唔會打你啦!有啲人好中意俾人打,仲好痛快!真!有呢啲人存在!」此言一出技驚四座,全場嘩然。

_MG_1700-2

馮志強認為家庭磨擦實在難免,很多時難定對錯,憂慮若果言語傷害、事事都以公罪論,將令更多家庭分裂,加重行政及司法機構的負擔,但他的比喻相信大部分人都難接受,「老公鬧個老婆,老婆唔駁嘴嘅話就唔會打佢啦,唔通咁都要列公罪?如果下下都用《刑法典》去介入,你哋(政府)做到死都做唔切。」

他主張社工局以勸導、教育的方式介入,而非由司法機關直接插手,「我聽到好多議員同事支持列公罪,我唔能夠接受,政府唔可以用『有殺錯無放過』嘅形式去做事。」他亦認為,《家暴法》的目的是防治家暴行為出現,但法案涉及大量罰則,與預防家庭暴力「文不對題」。

面對馮強的反對聲音,社會文化司司長譚俊榮表示尊重其言論,但不能認同。認為他誤解了政府立法原意,並指家庭糾紛不屬家暴行為之列。現時社工局有專責部門處理家庭糾紛,譚俊榮重申,政府會貫徹「家暴零容忍」的立法態度。

_MG_1523