即時報道
即時資訊、特別報道、即時評論。

世安政綱慘變垃圾?!

即時報道

文:論盡採訪組

時間:2014年08月17日 15:15

936645_931907383502587_377156221907265480_n

 

世安政綱琴日新鮮滾熱辣出爐,宣講會上,選委對未來有喜有憂,但對世安新政多有讚無彈,有啲仲擦到唔記得發言只得2分鐘,差些少唔夠時間提問。另一邊廂,競選辦密鑼緊鼓,宣傳工作鋪天蓋地,幾乎同一時間新政綱已送到唔少市民家門口。但市民似乎唔多受落,有啲睇完隨手就當垃圾丟係地,大廈門口一地都係,有啲甚至慘被撕成碎紙,唔知市民係火滾?心淡?定心碎?

小編:題外話,早年立法會選舉會將候選人名單印成小冊子派送到選民手中,話晒立會選舉係澳門人最重要既政治活動,至少澳門人一人一票有份揀,唔似得小圈子選舉圍威喂做下樣。但前兩屆開始,選管會話為左「環保」唔再派。點知一轉過頭到11月施政報告,當日即刻小冊子就插滿全澳信箱,呢啲究竟係政府思覺失調定雙重標準?