即時報道
即時資訊、特別報道、即時評論。

黑沙環輕軌爭議 麥瑞權:證明澳門越來越民主!

即時報道

文:論盡採訪組

時間:2014年08月10日 21:21

麥瑞權議員辦新張之喜

麥瑞權和鄭安庭北區議員辦事處新張之喜,冠蓋雲集,連特首辦主任譚俊榮都俾面出席!江門同鄉會創會長蕭德雄(右三) 當然有現身捧場,未知佢路環叠石塘山塊地進展如何?

講番今次繼街記、工聯之後,兩位議員係廣福祥「插旗」相當有戰略眼光,區內6萬人口係大票倉,但近日因為輕軌與公園之爭變成火藥庫,民怨隨時一觸即爆!一向重視專家學者調研既麥議員贊成輕軌越早建越好,咁三個方案邊個最好?似乎麥議員自己都未揀定︰「政府應公佈多點數據,深入淺出解釋,如果數據不足,諮詢會上你一言我一語,真的不可以有科學討論。」

勞動節走線搞到區內怨氣隨時爆,作為議員又會點幫居民?「證明澳門越來越民主!你睇澳門先可以六四又講得,乜都講得,一個民主社會,如果用科學施政的態度,任何人都要聽,但哪些意見為公共利益,必須三思!係三個人?三十人?全澳門人定全中國人決定?」麥議員似乎未聽真記者問題。

咁日後會否好似其他社團辦輕軌諮詢會?麥議員就話:呢個係政府既行政工作,議員應該做好自己的角色。

咁麥議員會唔會協助居民同運建辦溝通?「行政、立法、司法在民主社會架構是三權分立,澳門行政主導要按《基本法》,我們作為議員要做好自己的角色,應更好地監督政府,如每一個部門做其他人的專業,時間有限……」遊左一輪花園,最後麥議員終於拍心口話如果真係有社團搞假諮詢,實會幫佢地追究到底!