即時報道
即時資訊、特別報道、即時評論。

閒置地起公屋無聲氣  譚俊榮:問劉司!

即時報道

文:論盡採訪組

時間:2014年08月10日 19:19

_DSC0480

崔世安黎緊星期六會向400名選委宣讀政綱,擺下擂台陣接受提問。除左五司大執位,外界最關注的莫過於五司有可能再分拆的傳聞,身為「大內總管」既譚俊榮口風好密,話呢個係新任特首工作,唔關佢事!深得崔世安信任的譚俊榮,一直有傳是下屆司長的熱門人選,佢只係笑笑口咁話:「唔想評論私人事,留返上級和公眾評論。」

被問到政府應承將閒置地起公屋,呢排好似「賣魚佬洗身」無晒聲氣,譚主任又順手將個波交俾劉司,話部門運作有分工,著記者問返運輸工務司。

對於崔世安開出新城A區「十年兩萬八公屋」的期票,坊間爭議聲不斷,有的認為犧牲市民生活質素,有的認為「政治決定」一啲都唔科學,但更多市民只係觀望態度,似乎未敢輕信。近年政府的公信力越來越低,被問到今後點樣修補與市民關係?譚俊榮斬釘截鐵咁答:「繼續做好啲!」他強調特首辦經常收到市民的訴求,例如遞信、會面等等,希望市民俾多少少時間官員做功夫。