參加∕不參加遊行的理由

2010-12-24 回歸日遊行留下的…… 每週專題

文:Ava

時間:2010年12月24日 20:20

一、劉伯(60歲):我支持啲人遊行,因為睇到很多唔合理;但自己唔會遊行,因為有很多嘢做!

二、李姨姨(50+歲):吓?唔知道佢哋遊行喎,我以為回歸嘉年華咋,哈哈;自己點解喺呢度?我住對面架,陪孫仔落街湊熱鬧嘛!

訂閱每月紙本

三、不願透露姓名的社工(24歲):從我讀社工開始,次次遊行都來,我覺得這是關心社會的表現,認為澳門現時有很多值得關注的問題,有需要表態。

四、C先生(公務員):07年五一開始就年年遊行都參加了,因為覺得管治制度都無改變過!要靠這種方式表達不滿,我又認為多了很多年輕人參加遊行,present技巧比以前更加有創意,而非早幾年的給人好悲憤的印象。

五、劉先生(教育工作者):遊行是要表達訴求,因為問題無改善到!覺得當今社會充滿著教育、住房、物價等問題,例如教育方面,雖然錢和硬件投入不少,但政策方面政府做的根本唔多!

ad

六、電單車駕駛者(29歲):贊成遊行,自己都住在廣福安,反對在該區設戒毒的,擔心樓價嘛,無理由好嘢俾晒啲高官,衰野留俾市民吓!但自己沒有參加遊行,因為怕電單車無位泊。

一、妹妹(10歲):唔知道,媽媽要我來的。

二、黑沙環居民X先生(32歲):點解遊行?你自己睇囉,橫額都寫晒出嚟啦,反對戒毒所設住所附近。(你最擔心甚麼?)哎呀,擔心道友,擔心好多嘢架啦。(先生從事咩行業的?)你咪理,我做賊嘅!

三、郭先生(外勞,50歲):遊行梗要支持啦!因為政府無錢畀我吖嘛!

四、遊行路線附近店主Y小姐(40歲):支持佢哋遊行,反映訴求嘛,又不怎樣影響生意;但自己不會加入遊行,呢啲嘢係佢哋做的!

五、移居本澳人士吳小姐(50多歲):遊行是擔心戒毒中心設在學校對面,擔心帶壞子女!(子女現時幾歲?)廿幾歲。

六、帶頭叫口號的女孩(10歲):堅決反對美沙酮漠視民意!(是不是你自己要來遊行的?)你呢個問題我唔方便回答,無可奉告!

七、圍觀遊行的阿叔(50多歲):梗贊成遊行,這個政府咁無能!(為何你自己又不加入遊行?)自己就唔得閒架啦。

八、圍觀遊行的阿姨(50歲):支持遊行!民生做得太差了,啲官有得食,我哋無啖好食。最衰現在開緊工,我都係開小差出嚟裝吓架咋!

九、翁先生(37歲,三行工人):民怨太多了!美沙酮(服務站)對小朋友不好,我個仔才五歲,你搬去路環就得,加上社會有好多問題,樓價又貴,那些子女團聚的又慘,今次忍無可忍要出來遊行。

十、圍觀遊行的婆婆(60多歲):(支持他們遊行嗎?)我唔知喎。(那為何在這裡看?)我想坐巴士的,但修路修到我都唔知個巴士站改咗去邊度,所以在這裡了。

十一、附近寺廟的僧侶(30多歲):沒有支持不支持,尊重反映訴求。(你自己呢?)我嘛,咁就要視乎訴求是甚麼了。

十二、圍觀的伯伯(退休):(支持他們遊行嗎?)我……唔知道呀,唔好問我。(轉頭就走)

十三、梁先生(25歲,失業):唔遊行唔得架啦。依家政府做咩嘢,有無經我地同意吖?開賭係咁,樣樣都係咁,而家公共空間幾乎無晒啦,教育資源方向又唔知想點。雖然明知作用唔大,但參與遊行係我表示我有用行動來發聲!(是否算是八十後青年的聲音?),你唔駛標籤我甚麼八唔八十後了,我無屬會無團體,我就係代表我自己,表達對政府的不滿,所以行出嚟!

十四、附近巴士站等車的女學生(16歲):無話唔支持佢地遊行的,睇到大家都有好多怨氣。(咁你為何不參加?)吓,我唔會遊行,無佢地咁堅啦……學生無話有咩訴求嘅,我諗。

十五、居於塔石附近不良於行的鍾先生(71歲):社會一定係有一些問題,市民才會用遊行來表達的!我自己都想參加,不過對腳唔聽話。

十六、剛下班路過的博彩從業員周小姐:遊行有咩唔啱?熊貓一來,就有成千萬別墅住,但萬九公屋呢?遲遲未有!講嚟講去,咪又係官商勾結!

十七、拾紙皮維生的江婆婆(78歲):我行唔到咋。咁嘅政府,該管嘅唔管,唔應該管嘅又管,當然要遊行啦。我咁嘅年紀,執到的紙皮被人偷晒,啲差人話理唔到,咁唔通叫我幾十歲人自己去捉賊麼?

十八、接放學途中的外籍僱庸:我覺得澳門是一個民主社會,人們有表達意見的自由,不反對他們遊行。

十九、內地旅客(40多歲):他們在遊行嗎?不知道喔。很稀奇,第一次看。你不說我也不知道他們在幹嘛。

二十、美國旅客(50歲):遊行其實在我的國家好普遍,但照我所看,我覺得這裡的遊行好似有好多警員維持秩序,組織也可能比美國還要好。我見人們都很和平理性,很好,但抱歉,我看不懂他們要爭取的是甚麼。

二十一、珠海旅客(30歲):我覺得他們的表達方式非常好,好似香港都成日係咁。我地珠海那邊就當然好少見了。

二十二、兩位剛從八佰伴購物出來的女士(廿多歲):啲人點會唔遊行,澳門現在那麼多不滿。(那妳們為何不加入?)因為很多時我們都不知道有組識這些,時間地點也不清楚。

二十三、踏單車代步的大叔:遊行呀……嗯……你唔好問我了,我唔係幾識講。

二十四、抱著BB圍觀的女公務員劉小姐(32歲):我覺得澳門人係貪心的,派錢時就話無人叫你派錢,減咗兩千蚊時就係咁嘈。我覺得澳門福利已經很好,政府對公務員亦都很好囉,啲人遊行,我覺得無非都係貪心。