2017-08-04 四修改 六迷思 拆解租務法爭議
「至到今日,我相信絕大部分反對意見都有誤解」,租務法提案人之一,立法會間選議員歐安利日前一句回應近日租務法的連番爭議。就連負責細則性審議的三常會的主席鄭志強亦表示,「唔知佢哋有冇睇清楚文本?」《修改〈民法典〉不動產租賃法律制度》法案(俗稱︰租務法)由九位議員提案,日前立法會三常會完成細則性審議並簽署了意見書。法案建議引入仲裁機制、設立租金調整機制,同時強化租賃合同訂立方式,以及延長租賃關係存續期,從四方面修改民法典,希望能夠完善和規範房地產租賃制度,以可符合社會發展需要,更有效解決租賃糾紛,促進市場的健康發展,讓居民安居樂業。唯法案完成細則性討論後,不少地產業界都強烈反對。300多間地產公司聯合刊登全版報紙廣告,要求暫緩《租務法》立法以作廣泛諮詢。業界認為政府干預自由經濟,亦未有保障業主利益。澳門中小型企業聯合總商會會長周錦輝更批評租務法法案是「垃圾法案」,將影響澳門日後經濟發展,又指,澳門人的城市價值就是房地產價值,因為有價值才可以再融資,再產生其他利益,政府才有能力做公益事業,「(現在)成個人生觀好、我哋既價值觀,全部係退步!」另一方面,近年不少中小企均受業主年年加租影響而被迫搬遷或結業。亦有小市民指,現時澳門房鋪租金高昂導致百物騰貴,不利本澳社會穩定發展,希望政府出手加強管制,認為租務市場若有適度監管,可防止出現泡沫,更有人直言「地產商坐擁大量物業當然不希望租務管制,因為對佢哋既利益有損害。」根據2016年中期人口報告顯示,澳門每月租金中位數為6489元,而2011年的租金則為3204元,短短5年間增幅達一倍多。究竟租務法的爭議在哪,租務法修改了甚麼,今期《論盡澳門街》將一一剖析。

租務法網民意見

2017-08-04 四修改 六迷思 拆解租務法爭議

文:論盡採訪組

時間:2017年08月5日 17:17

林先生:我受夠了。無上限年年加租,續租比多次佣。房地產中介中間食價,中間抬價。我支持租務法通過。我反對地產既得利益阻撓。

Curtis:反對業主胡亂加租。今年三萬一個月,出年八萬。點頂呀。政府顧業主得黎都要顧加中小企老闆同小市民丫。成日話要照顧業主。澳門你業主多定係我地小市民多丫。D業主托完租再炒高D樓。支持政府立法監管。

Lily:間接保障租霸,損害業主權益。認證,費時又間接令私人認證員得益……澳門實行的是資本主義制度,根本就是自由市場,何來規管……

黃先生:一年有幾多租霸丫? 係咪個個租親屋都係租霸先? 呢個理由唔係阻止立法既理由。凡事講證據。你交得出全澳咪攞出泥比議員同你爭取攞。唔好將一少部分不良租客變相成為業主加租既理由。信好多好市民都願意交租。但要用加租黎趕租戶咁既手法。不如建議你唔交租報警快靚正。

Cary:如果經濟差的時候,我哋收唔到租,政府係咪要補貼返俾我哋啲業主?

Helena:土地法話有問題 、租務法又話有問題,究竟要什麼法才沒有問題!法律要保障誰?

Stanley:啲聰明嘅官原本就想壓抑租金升幅,但因租務法最少要簽三年租約,大部份業主會封盤唔租,到時租金唔升就有鬼。租唔到摟住逼住咪又要買囉,連樓價都升啊,既然咁唔完善不如傾好先再想啦,等你哋班官檢討啊,未開檢討已經搞亂晒個市場啊,等你哋檢討等到幾時啊。

Dolo:所謂嘅市場自由最終導致嘅惡果咪係租金永無止境咁加上去囉,然後提高左其他企業嘅營運成本,而營運成本又轉嫁落消費者身上,從而形成通脹,然後班業主又用通脹為由繼續加租金,不斷惡性循環,貧富差距無止境拉大,每個人因自身利益而自私,而個人自私最終拖垮整個社會,呢個就係現今人類崇尚歌頌嘅競爭型自由經濟資本主義社會。