即時報道
即時資訊、特別報道、即時評論。

反駁山頂醫院「講大話」 高太太︰屈我全家 追究到底

即時報道

文:論盡採訪組

時間:2017年07月6日 17:17

一名病者於今年3月在山頂醫院因肺炎救治無效死亡,其家屬質疑事主的死是由急症病房的醫療失誤、違反醫學專業技術知識、醫療常規而引致。山頂醫院日前回應稱,有關指控並非事實。醫院有24小時的持續生命監護儀器,亦有專科醫生及護士24小時輪值作密切觀察及治療。院方當時已充分向患者太太解釋患者的病情,是家屬同意病人不必轉送深切治療部作更進一步治療。患者妻子高太太今日為丈夫舉行百日彌撒而從台灣回到澳門,她今早致電「澳門講場」反駁山頂「講大話」︰「如果真係好似佢哋咁講,照顧得我先生咁好,我先生就唔洗死……點解你山頂講大話可以講到咁?」

高太太接受《論盡》訪問時形容山頂病房是「人間煉獄」,其丈夫留院期間,她每次去探病都是見到,「成條紙尿褲濕曬,成床都係尿都無人理,口渴連一啖水都無人餵,佢哋對病人的照顧真係非常差。」而且探病期間,亦看不到病歷,詢問醫生到底用什麼藥,又無人講得清,只說︰「得架啦,係咁架啦!」本身亦是在香港醫科畢業的高太太說,如果她當時知道丈夫的用藥情況就一定會阻止,丈夫就可能不用死。她說︰「雖然我現時沒有執業,但都係醫科畢業,有邊個醫生想病人有事?有邊個想病人死?你一時疏忽,一時高傲,唔理肺科診斷叻過龍,點樣可以用病人的性命來賭架?」

直到3月28日下午,高太太的丈夫病情急轉直下,她整個下午都在按呼叫鈴都沒人理會,甚至還被罵。後來,有一名顧問醫生經過,高太太就將其一手捉住,要求為丈夫診治。高太太說︰「當時個醫生睇到個情況,震起上嚟,即刻叫人抽血檢驗,當時已經出現呼吸酸中毒,情況若果嚴重,好容易會敗血休克。」後來,高太太的丈夫被推去用BIPAP呼吸機救治,但都仍然無法呼吸。高太太說︰「當時個醫生仲同我講,上呼吸機都唔係好得啦,仲插唔插喉啊?救唔救啊?我話當然要盡力搶救,梗係插啦。個醫生就好不耐煩地說︰『得啦!得啦!』」過程中從來沒有人提過要送深切治療部作更進一步治療。「我完全無聽過問入唔入ICU,我幾時有話過唔入ICU?」直到3月29日早上約七時,高太太的丈夫因救治無效而死亡。

高太太說,本來無意就事件追究責任,亦並非想要賠償,只是希望山頂可以改善情況,避免同類事情發生。「本來有意圖原諒佢哋,但依家我唔會原諒呢個醫生,我唔會原諒山頂。佢地自己做錯事,仲貶低人哋令自己蒙混過關,仲要屈埋我同意佢哋既治療,話佢哋做得好好,佢哋依家屈我全家用來掩飾自己的錯誤,山頂你到底仲有無良知,係咪澳門變得咁黑暗?」

高太太說,會準備循刑事方向山頂追究責任,現時正在台灣諮詢相關的技術意見。她說︰「如果今次事件我哋有本事證實到是醫療事故,又或澳門醫鑑會證實到是醫療事故,山頂院長郭昌宇同埋急診部主任李偉成李偉成主任可唔可以引咎辭職?」

 

相關報道︰

父親肺炎救治無效死亡

醫生女兒質疑山頂開錯藥違反醫療常規

https://goo.gl/U2XWNR

 

山頂用藥涉把關缺失 制度形同虛設

高醫生︰澳門人睇病真係好危險!

全文︰https://goo.gl/Dca7HH

 

死不認錯 山頂︰不再評論 有種你來告

https://goo.gl/nT4k4t